Día Internacional da Xeodiversidade

 

XEODIVERSIDADE 

 

Xeodiversidade representa a diversidade xeolóxica dun territorio, entendida como a variedade de rasgos xeolóxicos presentes nun lugar, identificados tras considerar a súa frecuencia, distribución e como estes ilustran a evolución xeolóxica do mesmo.  A paisaxe, o relevo, os minerais, as rochas e as estruturas que presentan, os solos, os fósiles…son elementos da xeodiversidade, pero tamén os recursos minerais e enerxéticos, como o gas, o petróleo ou o carbón, os recursos hídricos así como os riscos xeolóxicos como as erupcións volcánicas ou os terremotos.

 

Tal e como indica o propio slogan do día internacional da xeodiversidade, este é en realidade o sustento da vida, pois a xeosferare presenta o sustento para a hidrosfera, para a atmosfera e, por suposto, para a biosfera. Por tanto, é importante conmemorar o día da xeodiversidade por diferentes razóns:  unha delas, a cal pode chegar a ser unha das máis importantes, é que grazas a ela podemos coñecer a orixe, evolución e o pasado do noso planeta. Outra das razóns é que grazas a xeodiversidade podemos dar visibilidade e promover a protección do patrimonio xeolóxico. Por último, e non menos importante, hai que resaltar o papel que pode representar a xeodiversidade nun futuro, xa que xoga un papel fundamental co cumprimento dos obxectivos do desenvolvemento sostible pola “UNESCO”, cuxo obxectivo é garantir un futuro sostible, equitativo e ecolóxico para as persoas. 

 

A iniciativa de celebrar o dia da xeodiversidade naceu en Teruel, no ano 2005, pero non foi ata o pasado ano, na 41 conferencia xeral da UNESCO (celebrada en París) cando se decidiu que cada 6 de outubro se festexara o “Día Internacional da Xeodiversidade”. Por tanto, este é o primeiro ano que se celebra de maneira oficial. Este dia celebrase coa finalidade de reivindicar a xeoloxía na sociedade actual e promover a conservación do patrimonio xeolóxico.




Para axudar na conservación da xeodiversidade e do patrimonio xeolóxico, xurdiu a figura de protección dos xeoparques mundiais da UNESCO, a principios da década dos 90, sendo Francia, Alemaña, Grecia e España os socios fundadores da Rede de Xeoparques Europeos.

 

España é un dos países con maior xeodiversidade de Europa, e a súa conservación, así como a do patrimonio xeolóxico, contribúe a manter a diversidade natural e os ecosistemas, ademais de axudar a comprender a historia xeolóxica do noso territorio. Para asegurar a protección deste patrimonio, España conta a día de hoxe con 15 xeoparques: Cabo de Gata-Níjar (Andalucía), Costa Vasca (País Vasco), Sobrarbe-Pirineos (Aragón), Villuercas Ibores Jara (Extremadura), Cataluña Central (Cataluña), Sierra Norte de Sevilla (Andalucía), Molina Alto Tajo (Castilla la Mancha), El Hierro (Canarias), Lanzarote y Archipiélago Chinijo (Canarias), Las Loras (Castilla y León), Orígens (Cataluña), Maestrazgo (Comunidad Valenciana), Montañas do Courel (Galicia), Granada (Andalucía) e Sierras Subbéticas (Andalucía)

 

Así, España é o segundo país con mais xeoparques declarados pola UNESCO por detrás da China (41 xeoparques), mentres que en superficie do territorio ocupada por xeoparques, 505.990 km2, España é o quinto por detrás de Canadá (9.984.670 km2), China (9.596.960 km2), Indonesia (1.900.569 km2) e Francia ( 643.801 km2)

 

Galicia é un dos lugares de España máis importantes en canto a patrimonio xeolóxico. As rochas que conforman o noso territorio, as máis antigas da Península Ibérica, permiten estudar a formación do supercontinente Panxea. Hai 220 millóns de anos, dous grandes continentes colisionaron ao pecharse o océano que había entre eles, formándose unha gran cordilleira como consecuencia da intensa deformación das rochas. A nosa historia xeolóxica está escrita nas rochas do único xeoparque de Galicia, Montañas do Courel, así como no territorio que nos próximos anos se pode convertir no segundo xeoparque de Galicia, Cabo Ortegal. 

 

Nas próximas semanas, o alumnado de secundaria do CPI Virxe da Cela visitará o xeoparque de Montañas do Courel, para descubrir os tesouros xeolóxicos, biolóxicos e etnográficos deste territorio.

Montañas do Courel | Geoparque Mundial de la UNESCO en España



                                       Xeoparque do Courel (Fonte: La Voz de Galicia)



Cultura Científica (4º ESO, CPI Virxe da Cela)

Comentarios

Publicar un comentario

Publicacións populares deste blog

Visita a Burgos e Atapuerca do CPI Virxe da Cela de Monfero

Imaxe
  O alumnado da ESO do CPI Plurilingüe Virxe da Cela de Monfero tivo a oportunidade de descubrir un dos lugares máis importantes a nivel mundial en canto a estudos de evolución humana se refire. No Centro de Arqueoloxía Experimental (CAREX) , descubrimos como se fabricaron as primeiras ferramentas empregadas polos primeiros homínidos que habitaron a serra de Atapuerca, como poden ser os recoñecibles bifaces.  Tamén puidemos coñecer as técnicas que empregaban para realizar as impresionantes pinturas que se poden atopar en múltiples covas da nosa xeografía e, converternos en verdadeiros cazadores do Paleolítico. Despois de saír do CAREX, coñecemos de primeira man os impresionantes xacementos de Atapuerca de Sima del Elefante , Complejo Galería e Gran Dolina . Nestes xacementos, xunto coa famosa Sima de los Huesos , foron descubertos os restos máis antigos de homínidos atopados, ata o de agora, no continente Europeo : restos dunha especie aínda descoñecida do xénero Homo , cunha antigüid
Ler máis

Sistema solar a escala

Imaxe
 O alumnado participante no Club de Ciencias do CPIP Virxe da Cela, estivo elaborando un Sistema Solar a escala ao longo das últimas semanas. Nel poderás comprobar, a escala, como de diferentes son os tamaños dos 8 planetas do Sistema Solar en comparación co Sol, e ao mesmo tempo, comprobar que a nosa estrela non é, nin de lonxe, das estrelas máis grandes do Universo. Ademais, inclúese un mapa da zona, coa localizacións das órbitas dos diferentes planetas, tendo en conta a escala empregada desde o primeimo momento: un sol de 1,1 metros de grande!! Hoxe quedou instalado no noso centro! Para que vos fagades unha idea do tamaño que tería o sistema solar, as seguintes imaxes representan os lugares de por onde discorrerían  as órbitas dos planetas interiores (Mercurio, Venus, Terra e Marte) e dos planetas exteriores (Xúpiter, Saturno, Urano e Neptuno).
Ler máis

Visita ao Xeoparque Montañas do Courel

Imaxe
  Esta semana o alumnado da ESO do CPI Virxe da Cela visitou o Xeoparque Montañas do Courel. O mércores tivemos a oportunidade de desfrutar dos museos Etnográfico e Xeolóxico de Quiroga. Despois de comer na praia fluvial de San Clodio (Ribas de Sil), dirixímonos a Seoane do Caurel, onde nos aloxamos no Acampamento o Caurel. Polo camiño fixemos unha parada no miradoiro de Campodola, para ver de primeira man unha estrutura xeolóxica incrible: o pregamento do Courel (ou pregamento de Campodola Leixazós), produto da converxencia de placas tectónicas durante a formación de Panxea a finais do Paleozoico. Para coller forzas, tamén degustamos unhas marmeladas de castaña, arandos e froitos vermellos en Santa Eufemia, da man de Daniel de Caurelor. O xoves, coa compañía de Iván de Coureleando, descubrimos a Devesa da Rogueira, achegándonos aos seus segredos xeolóxicos e biolóxicos. Sen dúbida algunha unha das grandes xoias da Galicia interior. Despois de comer descubrimos Seceda, onde Iván
Ler máis