Visita ao Xeoparque Montañas do Courel


 Esta semana o alumnado da ESO do CPI Virxe da Cela visitou o Xeoparque Montañas do Courel. O mércores tivemos a oportunidade de desfrutar dos museos Etnográfico e Xeolóxico de Quiroga.





Despois de comer na praia fluvial de San Clodio (Ribas de Sil), dirixímonos a Seoane do Caurel, onde nos aloxamos no Acampamento o Caurel. Polo camiño fixemos unha parada no miradoiro de Campodola, para ver de primeira man unha estrutura xeolóxica incrible: o pregamento do Courel (ou pregamento de Campodola Leixazós), produto da converxencia de placas tectónicas durante a formación de Panxea a finais do Paleozoico.

Para coller forzas, tamén degustamos unhas marmeladas de castaña, arandos e froitos vermellos en Santa Eufemia, da man de Daniel de Caurelor.







O xoves, coa compañía de Iván de Coureleando, descubrimos a Devesa da Rogueira, achegándonos aos seus segredos xeolóxicos e biolóxicos. Sen dúbida algunha unha das grandes xoias da Galicia interior.








Despois de comer descubrimos Seceda, onde Iván nos mostrou aspectos da súa arquitectura, historia e etnografía. Un claro exemplo de aldea de montaña, onde os seus habitantes se adaptaron claramente ao medio natural, e conviviron, nun claro exemplo de sustentabilidade co entorno, durante anos e anos.




Para rematar o día, descubrimos o Castro da Torre, onde os antigos castrexos explotaron o seu principal recurso, o ferro, e se adaptaron á vida nesta zona da montaña galega. Aquí descubrimos onde se localizaba a antiga forxa de ferro, un antigo tear, a praza central e outros segredos.



O venres, antes de poñer rumbo a Monfero, visitamos o Centro de Interpretación da Minería Aurífera Romana (CIMAR), da man de Roberto. Grazas a todos e todas, en especial ao Xeoparque Montañas de Courel, por facernos desfrutar deste territorio durante estes días. Ata a próxima!


Comentarios

Publicar un comentario

Publicacións populares deste blog

Visita a Burgos e Atapuerca do CPI Virxe da Cela de Monfero

Imaxe
  O alumnado da ESO do CPI Plurilingüe Virxe da Cela de Monfero tivo a oportunidade de descubrir un dos lugares máis importantes a nivel mundial en canto a estudos de evolución humana se refire. No Centro de Arqueoloxía Experimental (CAREX) , descubrimos como se fabricaron as primeiras ferramentas empregadas polos primeiros homínidos que habitaron a serra de Atapuerca, como poden ser os recoñecibles bifaces.  Tamén puidemos coñecer as técnicas que empregaban para realizar as impresionantes pinturas que se poden atopar en múltiples covas da nosa xeografía e, converternos en verdadeiros cazadores do Paleolítico. Despois de saír do CAREX, coñecemos de primeira man os impresionantes xacementos de Atapuerca de Sima del Elefante , Complejo Galería e Gran Dolina . Nestes xacementos, xunto coa famosa Sima de los Huesos , foron descubertos os restos máis antigos de homínidos atopados, ata o de agora, no continente Europeo : restos dunha especie aínda descoñecida do xénero Homo , cunha antigüid
Ler máis

Sistema solar a escala

Imaxe
 O alumnado participante no Club de Ciencias do CPIP Virxe da Cela, estivo elaborando un Sistema Solar a escala ao longo das últimas semanas. Nel poderás comprobar, a escala, como de diferentes son os tamaños dos 8 planetas do Sistema Solar en comparación co Sol, e ao mesmo tempo, comprobar que a nosa estrela non é, nin de lonxe, das estrelas máis grandes do Universo. Ademais, inclúese un mapa da zona, coa localizacións das órbitas dos diferentes planetas, tendo en conta a escala empregada desde o primeimo momento: un sol de 1,1 metros de grande!! Hoxe quedou instalado no noso centro! Para que vos fagades unha idea do tamaño que tería o sistema solar, as seguintes imaxes representan os lugares de por onde discorrerían  as órbitas dos planetas interiores (Mercurio, Venus, Terra e Marte) e dos planetas exteriores (Xúpiter, Saturno, Urano e Neptuno).
Ler máis