Cytisus

 O alumnado participante no Club de Ciencias do CPIP Virxe da Cela, estivo elaborando un Sistema Solar a escala ao longo das últimas semanas. Nel poderás comprobar, a escala, como de diferentes son os tamaños dos 8 planetas do Sistema Solar en comparación co Sol, e ao mesmo tempo, comprobar que a nosa estrela non é, nin de lonxe, das estrelas máis grandes do Universo. Ademais, inclúese un mapa da zona, coa localizacións das órbitas dos diferentes planetas, tendo en conta a escala empregada desde o primeimo momento: un sol de 1,1 metros de grande!! Hoxe quedou instalado no noso centro! Para que vos fagades unha idea do tamaño que tería o sistema solar, as seguintes imaxes representan os lugares de por onde discorrerían  as órbitas dos planetas interiores (Mercurio, Venus, Terra e Marte) e dos planetas exteriores (Xúpiter, Saturno, Urano e Neptuno).

O pasado venres 3 de marzo, o alumando de secundaria do CPI Virxe da Cela realizou unha pequena andaina polas inmediacións dun dos tramos do camiño de Santiago entre Pontedeume y Miño, e percorreu a praia Grande de Miño. Ao longo da mañá, realizamos unha clasificación e unha recollida do lixo que nos fomos atopando, recollendo unha cantidade considerable de lixo, e incluso, observando algún punto ilegal de vertedura. A mañá completouse cunha visita ao punto limpo de Pontedeume, guiada por persoal do concello. Esta actividade enmárcase no proxecto Education 4the Planet, de Ayuda en Acción.

O pasado xoves 2 de febreiro, o alumnado de 3º e 4º da ESO do CPI Virxe da Cela visitou, da man do alumnado do IES Cabo Ortegal de Cariño, o Proxecto de Xeoparque Cabo Ortegal. Durante esta xornada, descubrimos os  cantís máis altos da Europa Continental, e algún dos segredos máis importantes que agochan as rochas desta zona. Esperemos en breve poder facer unha nova visita, e seguir aprendendo un pouco máis da espectacular xeoloxía que este lugar agocha, como por exemplo as rochas propias do manto terrestre ou a única praia de Europa con area negra que non ten unha orixe volcánica.

  XIV Olimpíada de Xeoloxía (fase autonómica): A Coruña O alumnado de Bioloxía e Xeoloxía de 4º ESO participou o pasado mércores 8 de febreiro, na cidade de A Coruña, na  fase autonómica da XIV Olimpíada de Xeoloxía  organizada pola  Asociación Española para la Enseñanza de las Ciencias de la Tierra  ( AEPECT ) en colaboración coa  Sociedade Española de Xeoloxía , o  Colexio Oficial de Xeólogos  e as  tres universidades galegas . Como novidade deste ano, a tradicional xincana práctica, que o alumnado realiza en grupos, celebrouse por primeira vez fóra do campus universitario. Concretamente, realizouse ao longo do paseo marítimo, entre a fundación Reto a la Esperanza e o ascensor do Monte de San Pedro. As nosas alumnas, Uxía , Alicia e Xiana , realizaron diferentes probas relacionadas co recoñecemento de minerais, rochas e fósiles, mapa topográfico, formas de paisaxe, ..., ademáis da tradicional proba tipo test. Na clasificación global, ...

  O núcleo , tamén chamado endosfera, é a capa máis interna da xeosfera, situada entre os 2.900 km de profundidade e o centro terrestre, situado a algo máis de 6.370 km de profundidade. Está composto fundamentalmente por ferro e en menor medida níquel , e ten dúas rexións claramente diferenciadas: o núcleo externo , formado por rochas fundidas, e o núcleo interno , formado por rochas sólidas. A rotación da Terra fai que o núcleo externo se poña tamén en rotación. A rotación libre do núcleo externo (líquido) actúa como unha dinamo que xera o campo magnético terrestre , que protexe a Terra do vento solar e permite que haxa vida na superficie. Pero, que está pasando coa velocidade de rotación do núcleo? Aínda que é algo do que xa se tiña constancia a través de traballos previos, un estudo publicado na revista Nature Geoscience, liderado polos científicos chinos Yi Yang e Xiadong Song, afirma que o núcleo do noso planeta se freou durante os últimos anos e mesmo chegan a afirmar, q...

  Esta semana o alumnado da ESO do CPI Virxe da Cela visitou o Xeoparque Montañas do Courel. O mércores tivemos a oportunidade de desfrutar dos museos Etnográfico e Xeolóxico de Quiroga. Despois de comer na praia fluvial de San Clodio (Ribas de Sil), dirixímonos a Seoane do Caurel, onde nos aloxamos no Acampamento o Caurel. Polo camiño fixemos unha parada no miradoiro de Campodola, para ver de primeira man unha estrutura xeolóxica incrible: o pregamento do Courel (ou pregamento de Campodola Leixazós), produto da converxencia de placas tectónicas durante a formación de Panxea a finais do Paleozoico. Para coller forzas, tamén degustamos unhas marmeladas de castaña, arandos e froitos vermellos en Santa Eufemia, da man de Daniel de Caurelor. O xoves, coa compañía de Iván de Coureleando, descubrimos a Devesa da Rogueira, achegándonos aos seus segredos xeolóxicos e biolóxicos. Sen dúbida algunha unha das grandes xoias da Galicia interior. Despois de comer descubrimos Seceda, onde I...

  XEODIVERSIDADE    X eodiversidade representa a diversidade xeolóxica dun territorio, entendida como a variedade de rasgos xeolóxicos presentes nun lugar, identificados tras considerar a súa frecuencia, distribución e como estes ilustran a evolución xeolóxica do mesmo.  A paisaxe, o relevo, os minerais, as rochas e as estruturas que presentan, os solos, os fósiles…son elementos da xeodiversidade, pero tamén os recursos minerais e enerxéticos, como o gas, o petróleo ou o carbón, os recursos hídricos así como os riscos xeolóxicos como as erupcións volcánicas ou os terremotos.   T al e como indica o propio slogan do día internacional da xeodiversidade, este é en realidade o sustento da vida, pois a xeosferare presenta o sustento para a hidrosfera, para a atmosfera e, por suposto, para a biosfera. Por tanto, é importante conmemorar o día da xeodiversidade por diferentes razóns:  unha delas, a cal pode chegar a ser unha das máis importantes, é que graza...